راشد خان، چي د ملا له عملیاتو وروسته د ډاکټر په سپارښتني له ټست لوبو څخه دمه اخیستې وه، بېرته دغو سیالیو ته راګرځېدلی دی.
د افغانستان د ۱۸ لوبغاړو په ډله کي ځیني داسي لوبغاړي دي چي تر دې دمه یې د افغانستان لپاره د ټست کومه لوبه نه ده کړې.
چپ لاسی توپ وهونکی صدیق اتل، ورو توپ اچوونکی ظاهر شهزاد، تېز توپ اچوونکی بشیر احمد او توپ وهونکی او توپ اچوونکی (الراونډر) عصمت عالم هغه څلور لوبغاړي دي، چې د افغانستان د څلور ورځینو (فرسټ کلاس) لوبو په تازه سیزن کي ښه لوبېدلي او ځلېدلي وه.
د افغانستان او زمبابوې ترمنځ د ټسټ دوې لوبي دي چي لومړۍ لوبه یې د ډسمبر په ۲۶مه او دویمه یې د ۲۰۲۵ کال د جنورۍ په دویمه نېټه پیل کېږي.
