د کییف ښاروال په خپل ټلېګرام کي ویلي چي، لږ تر لږه درې کسان وژل سوي.
دوشنبه سهار چي خلک کارونو ته روان وه د ډرون بریدونو په اړه خبرداری ورکړل سو.
اوکرایني چارواکو ویلي، لږ تر لږه لس روسي ډرون یې تعقیب او له منځه وړي دي.
د کییف د ځینو سیمو اوبه او برېښنا بنده سوې.
اخوا روسي چارواکو ویلي، د ساراتوف ښار په یوه هستوګنه سیمه د اوکرایني بې پيلوټه الوتکو برید سوی.
د ساراتوف قومندان ویلي، یوه ښځه چي سخته ژوبله سوې وه، روغتون ته رسول سوې.