د مسوولینو په وینا، دا پېښه پرون د یاوان ولسوالۍ په «یدنیل» کلي کي سوې ده.
د بدخشان مسوولینو دا هم ویلي چي د دې مځکي ښویدني په پایله کي څو کورونه، یو مسجد، باغونه او لسګونه جریبه مځکه ویجاړ سوي دي.
ویل کېږي چي دا پېښه د زیات اورښت له امله سوې ده.
دا په داسي حال کي ده چي تازه د ټرانسپورت او هوایي چلند وزارت د هواپېژندني ادارې په ۲۶ ولایتونو کي د اورښت او سېلابونو اټکل کړی دی.
په بدخشان کي تر دې وړاندي هم د ورته پېښو له امله لسګونه هیوادوالو ژوند بایللی وو.