د برېښنا له پوروړو ۳۲۲ میلیونه افغانۍ ټولي سوي دي

د افغانستان برېښنا شرکت مسوولین وایي، چي ۳۲۲ میلیونه افغانۍ زاړه پورونه یې راټول کړي دي.
د دغه شرکت ویاند حکمت الله میوندي د دوشنبې په ورځ پر خپله اکسپاڼه کي لیکلي چي، دا پورونه یې له پخوانیو هغه کسانو څخه راټول کړي چي د برېښنا بیلونه ورباندي پاته وه.
د میوندي په وینا، د برېښنا شرکت هغه پوروړي چي، ټولي پیسې نه سي تحویلولای، هغوی ته یې په قسط د پورونو ورکولو زمینه برابره کړې ده.
دا په داسي حاله کي ده چي په افغانستان په اکثره ولایتونو کي برېښنا ټکنۍ ده او ان په ۲۴ ساعتونو کي ۴ ساعته برېښنا هم خلک نه لري.
له دغه ولایتونو څخه یو هم کندهار دی چي لا هم له برېښنا څخه بې برخي دی او خلک وایي، کومه لږه برېښنا چي سته پر خلکو په لوړه بیه حسابل کیږي.