دې ریاست په یوه خبرپاڼه کي په هرات، بادغیس، غور، فاریاب، جوزجان، سرپل، بامیان، بلخ، سمنګان، بغلان، کندز، تخار او بدخشان ولایتونو کي نن جمعه او سبا شنبه د نسبتاً شدیدو اورښتونو، تالندي برېښنا او د سېلابونو د راوتو اټکل کړی دی.
په خبرپاڼه کي په بېلابېلو سیمو کي د باران اندازه د ۵۰ څخه تر ۱۰۰ ملي مټرو پوري اټکل سوې ده.
تېره میاشت، د شدیدو ورښتونو او سېلابونو له کبله په ننګرهار او کونړ ولایتونو کي درې تنه مړه سوي او ۲۰ نور ټپیان سوي وه.
دغو سېلابونو خلکو ته مالي زیانونه هم اړولي وه.
