په افغانستان کي د جاپان سفارت وايي، چي دغه مرستي به د لومړنیو بشري اړتیاوو د پوښښ لپاره وکاریږي.
د جاپان سفارت هیله ښودلې، چي دا مرستي به د اړمنو افغانانو په ژوند کي بدلون راولي.
یاد سفارت د مرستو د وېش د څرنګتیا په تړاو وايي، چي دوی به دا مرستي د ملګرو ملتونو ادارو، نړیوالو سازمانونو او جاپاني نادولتي موسسو له لاري وړاندي کړي.
جاپان د ۲۰۲۱ کال له اګست میاشتي راهیسي، چي جمهوري نظام نسکور سوی او طالبان واک ته رسېدلي، له افغانستان سره ټولټال ۵۰۵ میلیونه ډالره مرسته کړې ده.
