د اسرائیلو له زندانونو خوشي سوي فلسطیني زندانیان په یوه بس کي د غزې تراډي لوېدیځ رام الله ته رسېدلي دي.
د اسرائیلو پوځ په یوه بیان کي تایید کړې چي درې یرغمل سوي اسرائیلیان خوشي سوي دي.
د فلسطیني بندیانو کلب اعلان کړی چي د شنبې په ورځ د ۱۸۳ فلسطیني بندیانو د خوشي کېدو ورځ ده چې ۷۲ یې د عمري او اوږدمهاله حبس سزاوي لري او ۱۱۱ بندیان د غزې اوسېدونکي دي.
د حماس او اسرائيل ترمنځ د بندیانو د تبادلې په تېرو څلورو پړاوونو کي ۱۳ اسرائيلیان او ۵ تایلنډي کارکوونکي چي د اکتوبر ۷مي برید پر مهال یرغمل نیول سوي وه، ازاد سوي دي.
اسرائیل د دوی په بدل کي له خپلو زندانونو ۵۸۳ فلسطیني بندیان خوشي کړي دي.
ټاکل سوې د اوربند په دې پړاو کي تر راتلونکو درېیو اونیو په ټولیز ډول ۳۳ یرغمل له ۱۹۰۰ فلسطیني بندیانو سره تبادله سي.