د ملګرو ملتونو د خوړو نړیوال پروګرام وایي چي دا د کورنیو لپاره د تغذیې د برابرولو یوه لاره ده.
دې پروګرام نن په یوه بیان کي ویلي چي زعفران د نړۍ سره زر بلل کېږي، او د دې کښت د دوامداره فرصتونو د رامنځته کولو یوه لاره ده.
راپورونه وايي، وروسته له هغه چي په افغانستان کي د کوکنارو پر کښت بندیز لګول سوی، افغان کروندګرو په بیلابیلو ولایتونو کي زعفرانو ته د یوه بدیل په توګه پام زیات کړی دی.
د افغانستان زعفران د کیفیت له نظره د نړۍ تر ټولو ښه زعفران ګڼل کېږي.
