د شمالي کوریا مرکزي خبري اژانس راپور ورکړی چي د روسیې او شمالي کوریا ترمنځ دفاعي تړون نافذ اوعملي کېدل یې پیل سول

د دواړو هیوادونو مشرانو د جون په میاشت کي دا تړون لاسلیک کړی وو.
د تړون د عملي کېدو خبر داسي مهال خپریږي، چي د متحده ایالتونو مقامات وايي، شمالي کوریا لس زره سرتېري استولي چي د اوکراین په جګړه کي له روسي ځواکونو سره اوږه پر اوږه وجنګېږي.
کارپوهان وايي د شمالي کوریا مشر کیم جونګ اون د دغه تړون په مقابل کي له مسکو څخه پرمختللې تکنالوژي او سرتېري یې د جګړې تجربه ترلاسه کوي.
کیم جون اونګ او ولادمیرپوتین په پیونګ یانګ کي د ستراتېژیکي ملګرتیا دا تړون لاسلیک کړی وو. دا تړون دواړه هېوادونه مکلف کوي که پر هر یو باندي برید کېږي، بل به یې «له ځنډ پرته» مرستي ته ورځي او دواړه به د لویدیځ د بندیزونو مخالفت کوي.