نن د اکتوبر دویمه د عدم تشدد نړیواله ورځ ده، ملګروملتونو په ۲۰۰۷ کال د جون پر ۱۵مه د هند د ازادۍ تحریک د مشر مهاتما ګاندي د زوکړي ورځي ته په کتو دغه ورځ په نړۍ کي د نه تاوتریخوالي د ورځي په توګه ونوموله.
پهداسي حال کي چي، د اکتوبر د میاشتي ۲مه نېټه هر کال په نړۍ کي د عدم تشدد د ورځي په توګه لمانځل کیږي یوشمېر افغانان وايي، د تاوتریخوالي او جګړو له کبله یې ډېری ارمانونه نیمګړي پاته دي.
په شلمه پېړۍ کي د ګاندي تر څنګ خان عبدالغفار خان چي د فخر افغان یا باچا خان په نامه هم یادیږي په افغان مېشتو سیمو کي د عدم تشدد د فلسفې خپرولو لپاره اوږده مبارزه وکړه او په دغه لار کي يې ګڼي قربانۍ ورکړې.
د یادولو ده چي افغانانو د لسیزو په اوږدو کي د جنګ جګړو له کبله ګڼي قربانۍ ورکړي دي او وایي، په هیواد کي باید داسي یو سیاست پلی سي چي بیا افغانان له جګړو او ناخوالو سره مخ نه سي.