د فلسطین د روغتیا وزارت ویلي، چي په تېرو ۲۴ ساعتونو کي پر غزې د اسراییل په بریدونو کي ۳۰ فلسطینیان وژل سوي دي.

اسراییل د یکشنبې په ورځ د غزې په ښار کي پر درېیو روغتونونو برید وکړ، چي ګڼ شمېر کسان پکښي ووژل سول.
یوازې د الفا روغتون په برید کي لږ تر لږه ۷ فلسطینیان وژل سوي دي.
د جمعې په ورځ هم اسراییلي پوځیانو د کمال عدوان روغتون په نښه کړ او د روغتون د مدیر او کارکوونکو په ګډون یې په سلګونو کسان بندیان کړل.
په غزه کې د روغتیا وزارت وایي، چي د اسراییل او حماس تر منځ له تېرو ۱۴ میاشتو راهیسي په جګړه کي ۴۵ زره ۵۱۴ فلسطینیان وژل سوي دي.