د قرغزستان د احصایې ملي کمېټه وايي، دې هیواد د روان ۲۰۲۴م کال په لومړیو ۷ میاشتو کي د تېر کال د ورته مودې په پرتله افغانستان ته پټرول ۲۷ ځله زیات صادر کړي دي.
د راپورونو له مخي د قرغزستان د احصایې د ملي کمېټې پر اساس دې هیواد افغانستان ته د ۸ میلیونه او ۹۰۰زره ډالرو په ارزښت ۷۰۰زره لیتره پټرول صادر کړي دي.
د تېر کال په ورته موده کي، قرغزستان د ۳ لکه ۱۷زره ډالرو په ارزښت ۱۹زره ۳۰۰ لیتره پټرول صادر کړي وو.
افغانستان ته د قرغزستان د صادر سویو تېلو د هر لټر د بیې اوسط پنځه سینټه دی.
افغانستان ته د دغه هیواد صادر سوي پټرول د دغه هیواد د ټولو صادر سویو پټرولو ۸۴ سلنه کېږي.