د افغانستان لپاره د دې ادارې څانګي نن پنجشنبه په خپله ایکس پاڼه لیکلي چي دوه ملیونه غواګاني، درې ملیونه پسونه او وزې، اته لکه شیدې ورکونکي غواګاني او یومیلیون څاروي له چینجو څخه د پاکیدو پخاطر واکسین سوي دي.
د ملګروملتونو دې ادارې ویلي چي واکسینونه څاروي خوندي کوي او هم د ملیونونو کسانو لپاره د خوړوخوندیتوب تضمینوي.
په افغانستان کي د معیشیت د خوندیتوب لپاره د ملګروملتونو د مرستندویه ادارو د هڅو سره سره د خوړو نړیوال پروګرام او یوشمیرنورو ادارو خبرداری ورکړی چي په را روان ۲۰۲۵ کال کي به هم په افغانستان کي نژدې ۲۳ میلیون وګړي بشري مرستو ته اړتیا ولري.
