د ملګروملتونو د خوړو او کرني اداره،په فاریاب ولایت کي د ۱،۴ کیلومترو په اوږدوالي د اوبو د یوه کانال د رغولو خبر ورکوي.
دې ادارې ویلي چي، د جنقره کانال به څه باندي ۱۸ سوه هکتاره کرنیزه مځکه خړوبه کړي او ۷ زره ۵۳۰ کورنۍ به روڅخه ګټه پورته کړي.
همدارنګه ویل سوي چي دغه کانال به څه باندي ۲۸ زره لنډ مهاله او اوږدمهاله مسلکي او غیرمسلکي کارونه رامنځ ته کړي.
د رغنیزو چارو په ترڅ کي د نورستان چارواکي هم د کونړ-نورستان د لویي لاري د رغولو د چارو د پیل خبر ورکوي.
د ټولګټو چارو وزارت وایي، د ۶۰۰ ميلیونه افغانیو په لګښت دغه ۲۲ کیلومترو اوږده لاره به چي سور یې ۹ متره دی، په اساسي ډول ورغول سي.