د ملګروملتونو د خوړو نړیوال پروګرام وايي، په راروان ژمي کي یوازي د ۶ ميلیونو کسانو لاسنیوی کولای سي، حال دا چي څه باندي ۱۲ ميلیونه کسان به مرستو ته اړ وي.
د ملګرو ملتونو د خوړو نړیوال پروګرام وايي، راروان ژمی ښايي په افغانستان کي د ميلیونونو کسانو لپاره سخت وي.
د خوړو نړیوال پروګرام چي د ژمي پر مهال د یو اعشاریه پنځه ميلیون کسانو لپاره چمتووالی نیسي، په ۲۳ ولایتونو کي د سړکونو نه لاسرسي څخه مخکې خواړه لېږدوي او ذخیره کوي.
د دغه ادارې په وینا، پهداسي حال کي چي تر ۱۲ ميلیونو ډېر کسان د خوړو له کموالي ځورېږي، دوی یوازي د ۶ ميلیونو کسانو لاسنیوی کولای سي.
د خوړو نړیوال پروګرام پهدې وروستیو کي ویلي چي، تېر کال په افغانستان کي لږ تر لږه لس ميلیونه کسانو د بوديجې د نشتوالي له امله خوراکي توکي نهدي ترلاسه کړي، چي لهدې امله ښځي او کوچنیان تر ټولو زیات اغېزمن سوي دي.