د دې موسسې افغان څانګي په ایکس پاڼه کي یو پیغام خپور کړی او ویلي یې دي چي دغه روزنیز پروګرامونه د ۷۳۹ روزنیزو مرکزونو له لاري ترسره سوي.
د ملګرو ملتونو د خوړو او کرني سازمان په وینا، دا عملي میتود کروندګر په دوامداره میتودونو سمبالوي او د دوی ظرفیت لوړوي.
تر دې وړاندي د ملګرو ملتونو د خوړو او کرني سازمان ټینګار کړی وو، چي تر ۲۰۲۶ کال پوري به په افغانستان کي د خپلو پروګرامونو ملاتړ کوي او د دغو پروګرامونو په چوکاټ کي به د هیواد په اتو ولایتونو کي له ۲۰۰ زرو څخه زیاتو کورنیو ته مرستې ورسوي.
د ملګرو ملتونو د خوړو او کرني ادارې د شمېرو له مخي، اوسمهال په افغانستان کي له هرو څلورو کسانو څخه درې یې د خپلي بقا لپاره پر کرنه تکیه کوي.
