د هیواد په ۱۵ ولایتونو کي د اورښتونو اټکل سوی دی

د هیواد د هوا پېژندني د ادارو د اټکل له مخي نن د افغانستان په ۱۵ ولایتونو کي د واوري د ورېدو، بارانونو او سیلابونو احتمال سته.
د ټرانسپورټ او هوايي چلن وزارت پر خپله ایکس پاڼه په یو بیان کي ویلي چي په هرات، دایکندي، فراه، غور، بغلان، سمنګان، بادغیس، فاریاب، سرپل، بلخ، بامیان، تخار، بدخشان، نورستان او پنجشیر ولایتونو کي نن د نسبتا درنې واوري یا بارانونو او سیلونو امکان سته.
د اټکل له مخي د دې بارانونو کچه به په بېلابېلو سیمو کي له ۱۵ تر ۴۰ ملي مترو پوري او د واورو اندازه به د ۱۰ او ۳۰ سانتي مترو ترمنځ وي.
په تیرو دوو اونیو کي په فراه، کندهار، هلمند او نورو ولایتونو کي د درنو بارانونو او سیلونو له امله لسګونه کسان مړه او ګڼ نور ټپیان سوي دي.

Leave a Reply

Your email address will not be published. Required fields are marked *