د امریکا د ولسمشر مرستیال «جيډيونس» د افغان کډوالو د بیا میشتیدني د پروګرام د بندولو په اړه د ډونالډ ټرمپ د پریکړي دفاع کړې او زیاته کړې یې ده، چي افغان کډوال به د اړینو تفتیشونو پرته دغه هیواد ته د ننوتلو اجازه ونه لري.
د جيډيونس په وینا، د یو شمیر افغانانو دوسیې چي د امریکا د کډوالۍ ویزې او په دغه هیواد کي د بیا میشتیدني په لټه کي دي د امنیتي پلوه په سمه توګه نه دي کتل سوي، چي د دوی د اتباعو لپاره اندیښنې رامینځته کوي.
ونس د کډوالو د بیا میشتیدني د پروګرامونو په جدي بیاکتنه ټینګار کړی او ویلي یې دي، دوی باور نه سو کولای چي زرګونه خلک پرته له پوښتني د دوی هیواد ته دننه کړي.
په دې وروستیو کي رویټرز د کډوالو د ملاتړ ډلي او یو امریکایي چارواکي په حواله راپور ورکړی چي د ډونالډ ټرمپ د امریکا د بهرنیو مرستو د بندولو امر د ۴۰،۰۰۰ څخه زیاتو هغو افغانانو الوتني ځنډولي دي چي د دغه هیواد د ځانګړي کډوالو ویزې (SIV) لري.