نوموړي د اکتوبر پر څلورمه تر نيمې شپې وروسته پر اېکس په بیانونو کي ویلي دي چي انتظامیې په خیبر کي د موبایل ټېلېفون شبکه او انټرنېټ هم بند کړي وه او ګڼ پولیس د کیمپ ځای ته ورغلي وه.
دا په داسې حال کي ده چي پشتین د روان ۲۰۲۴ز کال د اکتوبر پر ۱۱مه په خيبر ضلع کي “د پښتنو قامي عدالت” په نوم د درې ورځنۍ لويي جرګې کولو اعلان کړی دی.
پي ټي اېم وايي چي دا څلورم ځل دی چي پولیسو یې د جرګې پر ځای چاپه وهلې ده.
د پښتون ژغورني غورځنګ وايي، سلګونه پوليسو یې کيمپ ته اور ورته کړی او د غورځنګ پر غړو يې ټکان هم کړي دي.
د افریدو او نورو قومونو مشرانو ویلي، چي ټول پولیس او نور کسان چي پر دوی یې ټکان کړي پېژندلي دي او حساب به ورسره کیږي.