د خبرپاڼي له مخي، دغه سیالي د اطلاعاتو او فرهنګ رياست اړوند ځوانانو چارو امريت له لوري او د کرېکټ امریت په همږغۍ پیل سوي دي.
دا د پکتیکا رسنیو ترمنځ درېیم پړاو کرېکټ سیالي دي چي ترسره کېږي.
خبرپاڼه زياتوي چي په يادو لوبو کي پنځه لوبډلو ګډون کړی او موخه یې، د رسنيو او خبريالانو ترمنځ یووالی دی.
په خبرپاڼه کي همداشان د ولايتي مسوولینو له قوله ویل سوي چي د ځوانانو لپاره به د ښوونيزو او علمي برنامو ترڅنګ د ورزش په برخه کي هم بېلابېل پروګرامونه او سيالۍ جوړي کړي.