د پکتيکا ولايت په ارگون ولسوالۍ کي د ۲۰ لوبډلو ترمنځ د ځوانانو يووالي په موخه د فوټبال سيالۍ، چي دوې مياشتي مخکي پيل سوي وې د سوپر افغان لوبډلي په اتلولۍ پای ته ورسېدې.
د يادو سياليو پايلوبه د سوپر افغان او خاندار يوولس ستورو لوبډلو ترمنځ ترسره سوه، چي په ټاکلي وخت سيالۍ ۱/۱ مساوي پای ته ورسیده، خو په پنالټيانو کي سوپر افغان لوبډلي خپلي سيالي لوبډلي ته د ۴ پر ۲ گولونو په توپير ماته ورکړه او اتلولي يې په خپل نوم کړه.
