د ښځو کرکټ نړیوال جام سیالۍ د پنجشنبې په ورځ په متحدو عربو اماراتو کي پیل سوي دي.
دا لومړی ځل دی چي سکاتلنډ د ښځو د کرکټ لوبډله په نړیوال جام کي برخه اخلي.
د بنګله دېش لوبډلي د پچي له ګټلو وروسته لومړۍ توپ وهنه وکړه او په ټاکل سویو شل اورونو کي یې سکاتلنډ ته د ۱۲۰ منډو هدف وټاکه چي سکاتلنډ یوازي ۱۰۳ منډي وکړې.
د دغه لوبي غوره لوبغاړې د بنګله دېش روتي موني سوه، دې په څلورو اورونو کي دوې لوبغاړي وسوځولې او یوازي ۱۵ منډي یې ورکړې.
د ښځو د کرکټ د نړیوال شل اوریز جام د لومړۍ ورځي په دویمه لوبه کي پاکستان بیا سري لانکا ته ماته ورکړه.