د المپيک، بدني روزني او سپورټ عمومي رياست اړوند د رزمي ورزشونو ملي فدراسیون له لوري د ياد رياست په جمنازيوم کي د کابل ولايت له بېلابېلو کلبونو څخه د ۲۰۰ ورزشکارانو ترمنځ په دوه جلا سبکونو (فول کنتاکت کيک بوکسېنګ او کيک جيتسوی) کي ژمنۍ رزمي سيالۍ ترسره سوې.
مسوولین وایي، دغه سيالۍ د کوچنيانو، نويو ځوانانو، ځوانانو او لويانو ورزشکارانو په عمري کټګوريو کي د غوره لوبغاړو موندلو او هڅوني په موخه پيل سوي وې، چي د يوې ورځي له دوام وروسته پای ته ورسېدې.
د يادو سياليو په پايله کي ۱۰۰ لوبغاړي خپلو سيالانو ته په ماته ورکولو سره د مډالونو ګټوونکي سول.
