دې وزارت ویلي چي د دغه پروګرام په ترڅ کي به چي د خاوري پېژندني د ریاست د شپږ کسیز متخصص ټیم لهخوا پرمخ وړل کېږي، د دې کانال اړوند مځکو د خاوري نمونې اخیستل کېږي څو معلومه سي چي کوم وړ بوټي پکښي کرل کېدای سي او همدارنګه به د فرعي کانالانو د ډیزان طرحه چمتو کیږي.
ویل سوي چي پروګرام به په دوو میاشتو کي بشړ سي.
د قوش تېپې کانال چي ۲۸۵ کیلومتره اوږدوالی لري، د کیندني چاري یې په ۲۰۲۲م کال کي پیل سوي چي لومړۍ برخه یې د څه باندي سلو کیلومترو په اوږدوالي د تېر ۲۰۲۳م کال په فبرورۍ میاشت کي بشپړه سوه او پر دوهمي برخي یې اوس کار روان دی.
تمه ده چي د دې کانال په بشپړېدو سره په بلخ، فاریاب او جوزجان ولایتونو کي په سلګونه زره جریبه مځکه کرني او باغدارۍ ته چمتو سي.