په متحدو عربو اماراتو کي د ښځو د کرکټ په روان شل اوریز جام کي هند پاکستان او ویسټ انډیز سکاتلنډ ته ماته ورکړه.
په لومړۍ لوبه کي، چي د دوبۍ په نړیوال میدان کي وسوه، هند د پاکستان د ۱۰۶ منډو هدف په ۱۹م اور کي پوره کړ.
د لوبي غوره لوبغاړې د هند اروندهاتي ریدي سوه. دې په څلورو اورونو کي د پاکستان درې لوبغاړي وسوځولې او ۱۹ منډي روباندي وسوې.
په همدې ورځ په دویمه لوبه کي ویسټ انډیز سکاتلنډ ته ماته ورکړه.
ویسټ انډیز د سکاتلنډ د ۱۰۱ منډو هدف په ۱۲م اور کي پوره کړ.
د دغه لوبي غوره لوبغاړي د ویسټ انډیز چینل هنري سوه. دې یوه لوبغاړې هم وسوځوله او په ۱۰ توپونو یې ۱۸ چټکي منډي هم وکړې.
د تېري ورځي په دوو نورو لوبو کي انګلنډ بنګله دېش او استرالیا سري لانکا ته ماته ورکړې وه.