د کورنیو چارو وزارت د مسئولنیو د معلوماتو له مخي؛ په ۱۴۰۲ مالي کال کي د هيواد په کچه د اور اخیستني ۱۹۷۵ پېښي رامنځته سوي چې له امله یې درې میلیارده ۲۰۴ میلیونه افغانۍ او ۵۷۴ میلیونه ډالر هېوادوالو ته زیان اوښتی او دغه راز د اور وژني پولیس توانېدلي چي د یو میلیارد ۱۰۰ میلیونه افغانیو او ۲۷ میلیونه ډالرو په ارزښت د هيوادوالو مالونه له اور څخه وژغوري.
د یادونې وړ ده چې د کورنیو چارو وزارت تېر کال د خدماتي برخو (عامه ساتنې، پاسپورټ، د وسلو جوازونو، زغره والو وسایطو او ښکاري وسلو د توریدي شرکتونو) له لاري ۱۳ میلیارده ۴۷۱ میلیونه افغانۍ عواید راټول کړي او د دولت خزانې ته یې سپارلي دي.