دغه سیالي چي د ډسمبر په درېیمه نېټه د عربي متحده اماراتو د شارجې په لوبغالي کي ترسره سوه، افغان لوبډلي د لوبي پچي تر ګټلو وروسته توپوهنه غوره کړه.
افغانستان په ۳۵.۴ اورونو کي ټول لوبغاړي له لاسه ورکړل او ۱۲۳ منډي یې جوړي کړې.
نيپالۍ لوبډلي ورکړل سوی هدف په ۴۱.۲ اورونو کي د ۹ لوبغاړو تر سوځېدو وروسته پوره کړ او په دې سره افغانستان خپله وروستۍ او درېیمه سیالي هم وبایلله.
د دې جام له الف ګروپ څخه پاکستان او هندوستان او له ب ګروپ څخه بنګلهدېش او سریلانکا د نیمه پایلوبې پړاو ته ورسېدل.
