د افغانستان د کرکټ دوو لوبغاړو راشدخان او رحمنالله ګربز د کرکټ نړیوالي شورا د یو ورځنیو لوبغاړو په تازه اعلان سوې درجه بندۍ کي پرمختګ کړی دی.
د افغان کرکټ بورډ د رسنیزي څانګي په خبر کي ویل سوي، د سويلي افریقا پر وړاندي د ترسره سوي لوبلړۍ تر پایلي وروسته راشدخان د توپ اچونکو او رحمنالله ګربز د توپوهونکو په لیکه کي مخکي تګ کړی دی.
خبر زیاتوي، راشدخان د یو ورځنیو توپ اچونکو په ډله کي درېیم او ګربز بیا د توپوهونکو په ډله کي اتم مقام ترلاسه کړی دی.
د ویلو ده چي تر دې وړاندي راشد خان د یو ورځنیو او شل اوریزو توپ اچونکو په درجه بندیو کي څو څو واره لومړي مقامونه هم ګټلي وو.