زېلېنسکي وایي، د شمالي‌کوریا سرتېري بېرته د جګړې لومړۍ کرښي ته راوستل سوي

د اوکراین ولسمشر ولودیمیر زېلېنسکي وايي، چي د شمالي‌کوریا سرتيري په کرسک کي بېرته د جګړې لومړۍ کرښي ته ورګرځېدلي دي.
له دې وړاندي داسي راپورونه خپاره سوي وه چي روسیې د شمالي‌کوریا سرتېري له دې سیمي دوی ته د درنو تلفاتو د اوښتو له امله ایستلي دي.
زېلېنسکي ویلي چي په کرسک کي یې د روسیې او شمالي‌کوریا ګڼ‌شمېر سرتېري وژلي دي.
بل‌خوا د روسیې دفاع وزارت ادعا کړې چي د اوکراین د ختیځ د کانونو مهم ښارګوټی توریتسک یې، نیولی دی. کېیف بیا د روسیې دفاع وزارت دغه ادعا رد کړې ده.