د طالبانو یوه ویاند د یکشنبې په ورځ وویل، دوه افغان بندیان چې له ۲۰۰۲ کال وروسته د ګوانتانامو په زندان کې لږ تر لږه ۱۴ کاله د امریکا په توقیف کې وو، په عمان کې ازاد سول.
د طالبانو د کورنیو چارو وزارت ویاند عبدالمتین قانع وايي، عبدالظاهر صابر او عبدالکریم د افغانستان د اسلامي امارت د هڅو په پایله کې خوشې سول.
لوړ پوړو طالب چارواکو د مبارکۍ په پیغامونو سره په ټولنیزو رسنیو کې د صابر او کریم عکسونه خپاره کړل. قانع وویل، د دوشنبې په ورځ د دوی د راستنېدو لپاره په پلازمېنه کابل کې د هرکلي رسمي مراسم جوړ سوي.
دغه دوه کسان تر ۲۰۱۷ کال پورې په ګوانتانامو کې بندیان وو، کله چې د خلیج عمان ته ولیږدول سول، چيري چې دوی اوه کاله په کور کې نظربند تیر کړل.
متحده ایالاتو د 2002 کال د جنوري په میاشت کې د جمهور رئیس جورج ډبلیو بوش په واکمنۍ کې د کیوبا په ګوانتانامو کې د توقیف مرکز پرانستل او د القاعدې د مشر اسامه بن لادن د نیولو لپاره یې پر افغانستان د برید وروسته. په هغه وخت کې موخه دا وه چې د القاعدې یا طالبانو سره د اړیکو په اړه شکمن کسان ونیسي او پوښتنې وکړي، چې بن لادن ته یې پناه ورکړې وه.