فاروقي د دوبۍ لیګ مخکښ توپ ‌اچونکی بلل سوی

په دوبۍ نړيوال ليګ کي «فضل‌حق فاروقي» تېره شپه د یوې ښکلي توپ‌اچوني وروسته د دغه لیګ مخکښ توپ‌اچونکي په توګه خپل مقام ساتلی دی.
په دوبۍ نړيوال ليګ کي فضل‌حق فاروقي تېره شپه ډېره ښه توپ‌اچونه وکړه د «شارجه ‌وایریرز» پر وړاندي یې په ۴ اورونو کي ۴ لوبغاړي وسوځول او سیاله لوبډله یې له لوړ هدف څخه را وګرځوله.
فاروقي په دې توګه د دغه لیګ مخکښ توپ‌اچونکي په توګه خپل مقام وساتی.
فاروقي په دې لیګ کې تر دې دمه په ۴ لوبو کي ۱۱ ویکټي ترلاسه کړي، چي هغه د دې سیالیو د ټاپ توپ اچونکو په ډله کي شامل او د زیاتو ویکټو کمربند ورسره دی.
د فاروقي سربېره په دغه لیګ کي ګلبدین نایب تر دې مهاله غوره توپ اچونه کړې او د خپلي لوبډلي په ګټه یې د زیاتو ویکټ اخیستونکو په لړ کي دویم مقام لري.