دا پېښه نن یکشنبه سهار وختي هغه مهال وسوه چي، کډوالو غوښتل له فرانسې څخه په کښتۍ کي بریتانیا ته ولاړ سي.
دوې اوونۍ د مخه، د شپږو کوچنیانو او یوې امیندواري مېرمني په ګډون دوولس کسان په ورته پېښه کي مړه سول، چي دا د روان ۲۰۲۴ کال تر ټولو وژونکې پېښه وه.
د بریتانیا او فرانسې د کښتۍ چلوني د ادارو د مسولینو او ساحل ساتونکو په وینا، په وروستیو ورځو کي لهدې خطرناکو او سړو اوبو څخه د تېرېدو لپاره د ناقانونه کډوالو هڅي زیاتي سوي دي او یوازي د شنبې د ورځي تر پایه په ۲۴ ساعتونو کي ۲۰۰ کډوال له کوچنیو کښتیو څخه ژغورل سوي دي.
بل خوا د نایجیریا چارواکو اعلان کړی چي د دغه هیواد په شمال لویدیځ کي د یوې کښتۍ د ډوبېدو له امله ۶۴ کسان ورک سوي دي.