ملګرو ملتونو ویلي ۲۰۲۵ کال کي به پنځه میلیونه افغانان له روغتیايي خدمتونو بې برخي وي

د ملګرو ملتونو د بشري چارو د همږغۍ دفتر وايي د روان ۲۰۲۵ کال په اوږدو کي به په افغانستان کي پنځه میلیونه کسان له روغتیايي خدمتونو بي برخي سي.
اوچا په یو راپور کي چي پرون یې خپور کړی ویلي، د روغتیا په برخه کي د خدمتونو چمتو کولو لپاره ۲۷۹ میلیونه ډالرو ته اړتیا لري.
اوچا د ۲۰۲۵ کال د پروګرام په راپور کي اټکل کړی چي په دې سره به په دې موده کي ۵ میلیونه کسان له روغتیايي خدمتونو بې برخي سي.
په راپور کي راغلي چي روغتیايي خدماتو ته د اړو کسانو له ډلي څه دپاسه ۲۳ سلنه یې ښځي، ۵۳ سلنه کوچنیان او نږدې۱۰ سلنه معلولیت لرونکي کسان دي.
اوچا ویلي چي په روان ۲۰۲۵ کال کي په افغانستان کي د روغتیايي خدمتونو د وړاندي کولو لپاره ۲۷۹ عشاریه ۷ میلیونو ډالرو بودیجې ته اړتیا لري.
دا په داسي حال کي ده چي د راپورونو پر بنسټ د ۲۰۲۱ کال له اګست وروسته واک ته د طالبانو له رسېدو راهیسي د افغانستان روغتیايي سکتور خورا زیان لیدلی او نږدې له سقوط سره مخ دی.