نړیوالي رسنۍ وایي چي د غزې په شمالي برخه کي د اسرائیلي پوځیانو په تازه هوايي بریدونو کي د یوې کورنۍ د ۴۵ غړو په شمول، نږدې ۲۰۰ تنه وژل سوي دي

روغتیايي سرچینو رسنیو ته ویلي چي اسرائیلي هوايي ځواک د استوګني پر پنځو ودانیو برید کړی چي له امله یې نږدې ۲۰۰ اوسېدونکي وژل سوي دي.
د ځایي روغتون یوه ډاکتر خبریالانو ته ویلي له لومړني برید وروسته خلک د مرستي لپاره ورټول سوي چي پر هغوی هم برید سوی دی.
د حسام ابو صفیه په نامه ډاکتر ویلي، چي له برید وروسته نږدې ‍۱۰۰ کسان د ودانیو تر پاته سونو لاندي بند سوي او د ځایي خلکو په مرسته یوازي یو تن را ایستل سوی دی.
راپورونه وایي چي پر غزې د اسرائیلي پوځیانو د بریدونو له پيل راهیسي ۴۴ زره ۴۲۹ تنه وژل سوي او یو سل او پنځه زره ډير نور ټپيان سوي دي.