د دغه راپور پر بنسټ، دغه مرستي ښځو او نجونو ته د خدمتونو وړاندي کولو لپاره ځانګړي سوي وې.
دا په داسي حال کي ده، چي یو شمېر امریکايي سناتورانو او نورو چارواکو په وار وار په افغانستان کي بشري مرستو ته د حکومت پر لاسرسي نیوکه کړې او ویلي یې دي چي باید دا مرستي بندي سي.
نړیوال بانک وايي چي د دغه بانک رٸيس د افغانستان له لاري جنوبي اسیا ته د منځنۍ اسیا د برېښنا د سوداګرۍ د پروژې (کاسا ۱۰۰۰) بیا پیلول هم تاييد کړي دي.
ياد بانک وايي چي په افغانستان کي به د دغه پروژې کارونه په محدوده توګه بیا پیل سي ترڅو ډاډ ترلاسه سي چي ټول ساختماني تادیات او راتلونکي عواید له افغانستان څخه بهر د حکومت له لاسوهني پرته اداره کیږي.
د بانک په راپور کي همداراز ویل سوي چي دوی د خپلو پروژو په محور کي ښځي او نجوني ځای پر ځای کوي او ډاډ ورکوي چي د پروژې فعالیتونه به د ښځو له خوا پلي کیږي.