د ازموینو ملي ادارې پرون ماښام پر خپله فېسبوکپاڼه دا خبر ورکړی دی.
اېګزیټ ازموینه د لوړو زده کړو د طبي شورا له خوا د طب پوهنځيو له فارغانو اخیستل کیږي او تر بریالیتوب وروسته د فعالیت اجازه ورکول کېږي.
دا په داسي حال کي ده چي سرپرست حکومت د نجونو پر ثانوي او لوړو زده کړو له بندیز وروسته اوس د روغتیایي زده کړو په موسسو کي هم د نجونو د شمولیت مخه نیولې ده.
د دې بندیزونو له کبله پر حکومت انتقادونه پر زیاتېدو دي، خو چارواکي ټینګار کوي چي دوی د نجونو او ښځو حقونه په اسلامي چوکاټ کي ورکوي.
