پاکستان وایي، د تورخم دروازه تر هغه نه خلاصوي تر څو پر ډیورنډ کرښه د پوستو جوړول بند نه سي

د پاکستان د بهرنیو چارو وزارت خبرداری ورکړی، چي د تورخم لاره به تر هغو خلاصه نه کړي، څو چي طالبان پر ډیورنډ کرښه د مورچلو د جوړولومخه ونه نیسي.
د پاکستان د بهرنیو چارو د وزارت په اعلامیه کي چي پرون خپره سوې راغلي، د دې پولي د تړلو علت چي ۲۲ ورځي یې کیږي، د طالبانو له خوا د پاکستان په خاوره کي د امنیتي پوستو د جوړولو لپاره د هڅو مستقیمه پایله ده.
پاکستان ادعا کوي چي د دې لاري د خلاصون غوښتونکي دي خو په خبره یې په دې خاوره کي به د افغانستان مورچلو جوړولو ته اجازه ورنه کړي.
خو طالبان بیا وايي، چي دا مورچلي د افغانستان په خاوره کي دننه جوړوي او پاکستان ورته ستونزې جوړوي.
دا په داسي حال کي ده چي د پاکستان امنیتي کسان د ډیورنډ کرښي په اوږدو کي په ډيرو ساحو کي رامخته سوي او د افغانستان په خاوره کي دننه یې اغزن سیم تېر کړی او پوستې یې جوړي کړي دي.

Leave a Reply

Your email address will not be published. Required fields are marked *