دارزګان ولايت ځايي مسولين وايي چې د ياد ولايت په خاص ارزګان ولسوالۍ کې په يوې ترافيکي پيښه کې ۳ کسان وژل سوي او ۹ نور ټپیان دي.
د امنيه قومندانۍ وياند بیلال ارزګاني څراغ نيوز ته وويل چې ياده پيښه نن سهار د خاص ارزګان ولسوالۍ په په شينۍ او باريکه سيمه کې يو بار وړونکی موټر د لاري له مسير څخه اوښتی او ياده مرګژوبله ورڅخه رامنځته سوي ده.
هغه ويلي چې سيمه ته امنيتي ځواکونه رسيدلي او د پيښې ټپیان يې روغتيايي مرکزونو ته انتقال کړي دي.
د ويجاړو لارو او د وسایط چلوونکو د بي احتياطۍ له امله وخت ناوخته دغه ډول ترافيکي پيښې رامنځته کيږي.
