د ملګرو ملتونو د خوړو نړیوال پروګرام وايي چي په افغانستان کي د څو لسیزو جګړو، د ځپل سوي اقتصادي وضعیت او د اقلیم د بدلون د بحران له امله د دغه هیواد د هرو څلورو وګړو څخه یو یې د لوږي د حالت سره مخ دی.
د خوړو نړیوال بروګرام پر ایکس لیکلي چي د لوږي د حالت سره د مخ سویو افغانانو شمیر له ۱۲ میلیونو کسانو څخه زیات دی.
د ملګرو ملتونو د خوړو نړیوال پرګرام په افغانستان کي د میلیونونو افغانانو د ناسم اقتصادي وضعیت په اړه دا راپور په داسي حال کي خپور کړی چي دغه پروګرام د سپټمبر پر ۲۹ په یو بل راپور کي په افغانستان کي بشري مرستو ته د اړمنو افغانانو لوړ شمیر ته په کتنې ویلي وه چي د بودیجې د کمښت له امله یوازي یو میلیون افغانانو ته بشري مرستي برابرولای سي.
ډبلیو ایف پي ویلي چي په افغانستان کي د اقلیم د بدلون بحران څخه زیږیدلو ګواښونږ او ننګونو په ټول دغه هیواد کي خلکو ته ستونزي را ولاړي کړي دي.