د بدخشان ولایت په یاوان ولسوالۍ کي د یوې ترافیکي پېښي په پایله کي لږ تر لږه شپږ کسان وژل سوي او څلور نور ټپیان سوي دي.
ځايي سرچینو ویلي، نن سهار پنجشنبه یو لنډکروزر موټر د امو په سیند کي لوېدلی چي پکښي شپږ کسان وژل سوي او څلور نور ټپیان سوي دي.
د پنځو قربانیانو جسدونه تراوسه نه دي تر لاسه سوي.
په تېرو دوو اوونیو کي بدخشان ولایت کي دا درېیمه مرګونې ترافیکي پېښه ده.
په تېرو دوو پېښو کي د کوکچي په سیند کي د دوو موټرو د ډوبېدو له امله د ښځو او کوچنیانو په ګډون ۱۶ کسان وژل سوي چي د اتو کسانو جسدونه لا هم نه دي تر لاسه سوي.
