په بدخشان کي د سرو زرو د کان په یوه پېښه کي درې کسانو ته مرګ ژوبله اوښتې

چارواکي وایي، په بدخشان ولایت کي د سرو زرو د یو کان دننه د چت رالوېدو په پېښه کي یو تن مړ او دوه نور ټپیان دي.
دا پېښه د پنجشبې په ورځ د یفتل ولسوالي په ګلستان کلي کي سوې ده.
د بدخشان د امنیې قومندانۍ ویاند احسان الله کامګار وايي، په بدخشان کي د کانونو د نړېدو له امله د مرګونو پېښو تکرار د کانونو غیرمسلکي کېندنه او د ځاني امنیت د تجهیزاتو نه شتون دی.
له دې وړاندي هم په بدخشان او ځینو نورو سیمو په کانونو کي خلکو ژوند بایللی دی.