په بلخ کي د کرني ریاست مسوولین وايي چي په دغه ولایت کي د ښځو کورني تولیداتو او کرنیز یو ورځنی نندارتون جوړ سوی دی.
دغه نندارتون د بلخ مرکز مزارشریف ښار کي جوړ سوی او مالي لګښت یې، د کوچنیانو لپاره د ملګروملتونو ملاتړي ادارې یا یونېسف له لوري ورکول کېږي.
په دې نندارتون کي د ښځو کورني تولیدات، لاسي صنایع او کرنیز محصولات نندارې ته وړاندي سوي دي.
د بلخ د کرني ریاست د پلان مدیر وايي چي یاد نندارتون د کورنیو ملاتړ او د مېرمنو د ځانبسیایني په موخه جوړ سوی دی.
بلخوا یوشمېر متشبثي مېرمني د دغه نندارتون پر جوړېدو خوښي څرګندوني او وايي چي ورته نندارتونونه کولای سي، د مېرمنو ځانبسیایني او تولیداتو ته یې، د بازار برابرولو کي اغېزمن ثابتېدای سي.