په خیبر پښتونخوا او بلوچستان کي له روانو بارانونو سره په تړلو پېښو کي ۱۰ کسان وژل سوي او اووه ژوبل سوي دي.
د طبیعي پيښو ادارې وایي، چي په تېرو ۲۴ ساعتونو کي د خيبر پښتونخوا په بر کوهستان کي د غر ښویدو او په ملاکنډ کي د تندر لوېدو په پېښو کي د یو کوچني په ګډون څلور کسان وژل سوي دي.
د دغه ادارو د معلوماتو له مخي په تېر شواروز کي له اورښتونو سره په تړلو پېښو کي په بلوچستان کي درې، د پاکستان په پنجاب کي دوه او په سيند کي يو کس وژل سوی دی.
په په خیبر پښتونخوا، بلوچستان او پاکستان کي د جولای له لومړۍ نېټې راهیسي د بارانونو پر مهال په پېښو او په سېلابونو کي د وژل سويو کسانو شمېر ۳۲۰ او د ژوبل سوو شمېر ۵۹۸ ته پورته سوی دی.
له تېرو څو کلونو راهیسي د دوبي بارانونو په پاکستان کي په ځانګړې توګه په خیبر پښتونخوا، بلوچستان او سیند کي مالي او ځاني زیانونه اړولي دي.