د فوټبال دغه لوبې د ورزش ودې او ځوانو استعدادونو د پېژندنې په موخه پیل سوې وې چې یوه میاشت یې، دوام وکړ. د یادو لوبو اتولي د ځوانانو لوبډلې په بریا پای ته ورسېدې.
د فوټبال فدراسیون مشر میرزامحمد امیرزي د دې سیالیو موخه د ملي لوبډلې لپاره د لوبغاړو موندل او فوټبال لوبې ته د ځوانانو هڅول په ګوته کړل.
د ده په وینا، د ځوانانو لوبډله چې لومړی مقام یې خپل کړ، د راتلونکي لپاره به د زون په کچه سیالیو کې ګډون وکړي او تمه ده چې ښه لاستهراوړنې به ولري.
