د غزني ولایت د بدني روزني او ورزش امریت مسوولینو د دغه ولایت په مرکز کي د ۲۰ لوبډلو ترمنځ د فوټسال سيالیو د پیل کېدو خبر ورکړی دی.
د غزني ولایت د ورزش او بدني روزني آمر ویلي چي د فوټسال دغه سیالۍ د غزني ښار په مولا علي جمنازيوم کي ترسره کېږي او یوه میاشت به دوام وکړي.
هغه وایي چي د یادو سیالیو په لومړۍ ورځ د اتحاد شهرستان او قهرمانان لوبډلو ترمنځ سیالي ترسره سوه, چي اتحاد شهرستان لوبډلي خپلي سیالي لوبډلي ته څلور د دوو پر وړاندي ماته ورکړه.
نوموړی وایي چي له یادو سیالیو څخه موخه د ورزشکارانو ترمنځ یووالی او ورته د تفریح رامنځته کول دي.
