په فراه کي د ماین چاودني له امله ۵ تنو ته مرګ ژوبله اوښتې ده

سرچینې وایي، د فراه شيخ ابونصر فراهي بندر ته نږدې په يوه دښت کي نن دوشنبه یو موټر پر پخواني ماین برابر سوی چي په ترڅ کي یې ۵ تنو ته مرګ ژوبله اوښتې ده.
د سرچینې د معلوماتو له مخي په دې پېښه کي ۳ تنه مړه او ۲ ژوبل سوي دي او دا د میله والو موټر وو چي په سیمه کي پر ماین برابر سوی.
چارواکو تر اوسه په دې اړه څه نه دي ویلي.
له دې وړاندي هم په بېلابېلو ولایتونو کي دې ته ورته پيښي رامنځ ته سوي چي زیات شمېر کسانو ته یې مرګ ژوبله اړولې ده.