د ترانسپورت او هوايي چلند وزارت په کابل ښار کي د مسافرو د خوندیتوب او د ټرانسپورټي وسایلو د معیاري کولو په موخه د ۴۰ مسافر وړونکو موټرو د فعالیت د ځنډولو خبر ورکړی دی.
یاد وزارت په خبرپاڼه کي ویلي چي د دغو موټرو فعالیت د موټرو د تخنیکي ستونزو له امله ځنډول سوی دی.
په خبرپاڼه کي ویل سوي چي تېره اوونۍ په کابل ښار کي د ۵۷۹ موټرونو تخنیکي کنټرول سوی او د عامه پوهاوي په موخه ترانسپورتي شرکتونو او چلوونکو ته ۲۰۰ تذکرې وېشل سوي دي.
تر دې وړاندي د کابل – کندهار په لویه لاره له خونړیو ترافيکي پېښو وروسته، یاد وزارت د دوو مسافر وړونکو شرکتونو فعاليتونه وځنډول.
دا په داسي حال کي ده چي تېره چهار شنبه د غزني ولایت په ده یک ولسوالۍ کي د کابل – کندهار په لویه لاره د دوو ۵۸۰ موټرو د ټکر له امله لږ تر لږه ۵۲ تنه مړه او لسګونه نور ټپیان سول.
