په کابل کي د هاکي لوبو سیالۍ پای ته ورسېدې

څه موده وړاندي په کابل کي د ۹ ولایتونو ۱۸ لوبډلو ترمنځ د هاکي ملي غوراوي سیالۍ پیل سوي وې، چي په پایله کي نن پنجشنبه د کابل لویانو او د خوست ځوانانو لوبډلو په اتلولۍ پای ته ورسېدې.

د دې سیالیو د ځوانانو پایلوبه کي خوست ۳ ـ ۰ پکتیا ته ماته ورکړه او د لویانو پایلوبه کي بیا کوربه کابل خپله سیاله هراتۍ لوبډله ۶ ـ ۱ له ماتي سره مخ کړه.

په پای کي د لویانو او ځوانانو ملي لوبډلي وټاکل سوې.