د کندهار د پېښو په وړاندي د مبارزې ریاست مسوولین وايي، د کندهار ښار په شپږمه ناحیه کي د یوه کور د چت نړېدو له امله درې نجونو ژوند بایللی دی.
د پېښو په وړاندي د مبارزې ریاست مسوولین وایي، دغه پېښه نن سهار شاوخوا لس بجې د درېیمي ناحیې اړوند د ملایانو په کلي کي رامنځ ته سوې ده.
د مسوولینو په وینا، یو شمېر کسانو په یوه کور کي د بام سر کانکرېټ کاوه چي چت نړېدلی او درې تنې نجوني تر لاندي سوي او مړې سوي دي.
په کندهار کې د غیر معیاري ودانیو یا کورونو له امله له دې وړاندي هم په ورته نورو پېښو کي ماشومانو او لویانو ژوند له لاسه ورکړی.
