چارواکي وایي، په کندهار کي په دریو جلا جلا پېښو کي دوه کوچنیان وژل سوي، یو کوچنی او بل کس ټپيان سوي دي.
د کندهار د امنيې قوماندانۍ ویاند ملا اسدالله جمشید وايي، تېره ورځ د کندهار د ارغستان ولسوالۍ په ملا شېرعلي کلي کي دوو کوچنیانو د هاوان په یوې زړې مرمۍ لوبي کولې چي چاودنه یې کړې یو کوچنی وژل سوی او بل ټپي سوی.
د هغه په وینا، دغه راز تېره ورځ د کندهار د سپین بولدک ولسوالۍ په زاړه کلي کي یو کس چي زړې اوسپني یې خرڅولې، د سرګلولې د چاودني له امله ټپي سوی.
بل خوا د کندهار د ډنډ ولسوالۍ د اغاجان کارېز په کلي کي یو کوچنی په سېلابي اوبو کي ډوب او مړ سوی.